Kơdră chĕp pơgơ̆r Kuô̆k hô̆i pơma hơdăh ‘nou jĭ khôi luơ̆t tôch gĭt kăl, tơbăt hơdăh hơyak tơplih đơ̆ng trong jang vei lăng jing trong jang chĕp pơgơ̆r hơnih kơdrơ̆m gơh hơgei, tơplih đơ̆ng trong jang pơlong năng jing jang kiơ̆ khôi luơ̆t sơđơ̆ng, đunh đai. Trong vă pơjing Khôi luơ̆t hlôi lăng kơjăp kiơ̆ rim trong bơ̆ jang tih tên đơ̆ng Hơnih tơm Chinh trĭ. Kơdră chĕp pơgơ̆r Kuô̆k hô̆i athei pơlei tơm Hồ Chí Minh pơm pơkeh khul chĕp pơgơ̆r hơnih kơdrơ̆m, pơjao gơh jang atŭm hăm dăr lăng tơdrong jang păng tơchơ̆t hơdăh trong tơlĕch pơkăp kĕ jang lơ̆m jang kiơ̆. ‘Ngoăih kơ ‘noh, Pơlei tơm kăl lăng kơjăp atŏk tơ iung kmăi kmŏk nhen tơplih kơsô̆, hơnih tơm tơplih ‘nao tơchăr, kăt tơjur dôm trong pơm hla bơar tơmơ̆t jên jang păng hơmet pơ ‘lơ̆ng keh đang tơdrong hơgrop dih băl ƀar păh rim khôi luơ̆t bơ̆ jang. Kơdră chĕp pơgơ̆r Kuô̆k hô̆i tơbăt, tơdrong vă pơjing khôi luơ̆t gô pơtruh ăn Kuô̆k hô̆i lăng hơlen, pơdrơ̆ng kiơ̆ tơ̆ ‘Măng hop akŏm truh ou kơnh.