Pơma hơdăh tơdrong pơvei 2 teh đak oei đei lơ hơnih, tơmam ‘lơ̆ng vă pơih să jang hơdai tơpă, đei yua hloh dơ̆ng, Thủ tướng Lê Minh Hưng athei 2 pah jang hơdai kơjăp vă hơtŏk tơdrong pơvei tơ̆ hơnăp kơnh. Tơm ‘noh jĭ hơtŏk loi dơ̆ng pơma dơnuh đơ̆ng khŭl rim tơring, tơgŭm hơdrol pơtrŭt dôm ‘măng năm ngôi đơ̆ng kơdră chĕp kơ̆l; athei păih Canada hơnơ̆ng pơih ‘măng anih tĕch mơdro ăn tơmam drăm Việt Nam, mă loi ‘noh jĭ tơmam drăm đơ̆ng choh jang sa, bri ‘long, ka hơdang.

Hơdai hăm pơtrŭt anih mơdro sa Canada tŭn pran tơmơ̆t jên jang lơ̆m dôm tơdrong jang tơm găh unh hơyuh, mŭk drăm rơgoh păng mŭk drăm ‘lơ̆ng. Găh kơdih kâu, Thủ tướng Canada Mark Carney pơma hơdăh Việt Nam jĭ teh đak jang hơdai gĭt kăl tơm tơ̆ tơring ASEAN păng Ấn Độ Dương - Thái Bình Dương. 2 teh đak kăl kơ vang tơgŭm băl lơ tơdrong đei yua hơdai lơ̆m tơdrong lui ngeh chĭnh trĭ, tĕch mơdro - tơmơ̆t jên jang pơih să păng tơƀơ̆p pơma dơnuh đơ̆ng kon pơlei; păih Canada pơkăp kŭm hăm Việt Nam pơtrŭt jang hơdai roi ‘năr roi hơtŏk tơiung.