Tơchĕng ‘lơ̆ng đon kơchăng păng tơdrong adrin đơ̆ng dôm khul linh, công an kŭm hăm khul kơdră tơring mưh chông tơlĕch sơđơ̆ng ‘lơ̆ng vă jê̆ 1.700 ‘nu kon pơlei lĕch đơ̆ng tơring krê hơmơt, Phó Thủ tướng athei dôm anih jang hơnơ̆ng hơlen năng kơjăp rim tơring, ưh ăn kon pơlei vih hơlơ̆k dơ̆ng tơ̆ anih oei mưh tam mă đei tơdrong sơđơ̆ng ‘lơ̆ng.

Hăm tơdrong bơ̆ jang hơmet ming đunh đai, dêh char Lai Châu apinh Trung ương hơlen năng tơdrong tơgŭm jên pôk rĭ dang 200 unh hnam lĕch đơ̆ng tơring hơmơt đei teh hơlih. Hơdai hăm tơdrong tơgŭm đơ̆ng teh đak, Phó Thủ tướng athei Anih Trung ương Mặt trận Tổ quốc Việt Nam kŭm hăm dôm khul tơpôl adrin krao hơvơn, mong akŏm jên tơgop đơ̆ng tơpôl; jăh răt hơmet tôm tơmam yoa kăl, tơgŭm ăn kon pơlei tơ̆ tơring đak lip Mường Than jăh đei dơ̆ng tơdrong arih xa sơđơ̆ng ‘lơ̆ng.