Pơma pơgơ̆r ah Hop akŏm, ƀok Trần Cẩm Tú ră hơdah, phương Bàn Thạch athei pơjing jơnŭm pơgơ̆r tơring gơh hơgei, hlăng 'lơ̆ng, pơm jang kơyuơ kon pơlei; hơtŏk tơdrong hơgei ăn khul kang ƀô̆, pơm jang kiơ̆ tơplih kơmăi kơsô̆ lơ̆m vei lăng, hơmet jang hanh chinh gơh tơnăp, tơguăt hăm kon pơlei. Atŭm hăm noh, pơgơ̆r anih jang Thanh uy Đà Nẵng păng dôm anih jang pơtoi tơgŭm, pơklaih tơnap tap ăn Bàn Thạch lơ̆m jăl jang blŭng pơm kiơ̆ pơkăp jơnŭm pơgơ̆r 2 tăl.

Hop akŏm adoi tơbang tơchơ̆t đơ̆ng Anih jang Thanh uy Đà Nẵng pơtruh ăn Ƀan Châ̆p hanh Đảng ƀô̆, Anih jang Đảng uy, Ƀĭ thư, Phŏ Ƀĭ thư Đảng uy phương Bàn Thạch, jăl jang 2025 – 2030. Ƀan Châ̆p hanh Đảng ƀô̆ phương đei 28 'nu jang; Anih jang Đảng uy phương đei 10 'nu. Ƀok Nguyễn Duy Ân, sơ̆ jang Kơdră Anih jang vei lăng kon pơlei pơlei tơm Tam Kỳ (so) đei pôk jang Ƀĭ thư Đảng uy phương; 2 Phŏ Ƀĭ thư Đảng uy phương noh ƀok Lê Ngọc Dương păng ƀok Dương Văn Tuấn.