Đơ̆ng rŏng kơ Lêh sơng, tơ̆ Hnam tih kơ Teh đak, Kơdră Kuô̆k hô̆i Trần Thanh Mẫn hlôi kĭ hla bar Tơmoi gĭt. Kơdră Kuô̆k hô̆i ră hơdah, tơdrong tơbôl jang hơdoi juăt jue Việt Nam – Mông Cổ kơyuơ Ƀok Kơdră Hồ Chí Minh păng rim ƀok kơdră kơ 2 teh đak tơ-iung pơjing lơ̆m hloh 70 sơnăm hơtŏk tơ-iung 'lơ̆ng. Mă kăl, tơdrong mă 2 teh đak tơbôl iung jang hơdoi Tôm tơdrong hlôi pơih đei minh jăl jang hơdoi 'nao pơyua hloh lơ̆m rim tơdrong jang.

Kơdră Kuô̆k hô̆i sơkơ̆t hơdah, Kuô̆k hô̆i Việt Nam ling lang lăng tơgĭt păng kơchăng atŭm hăm Kuô̆k hô̆i Mông Cổ hơtŏk tơdrong asong khul kơpal hơpeh hơpong dih băl, jang hơdoi kơ dôm Hơnih juăt jang, Khul Ngĭ sih păng ngĭ sih sơnăm mơlôh; tơgop hơtŏk đon lui gah chĭnh trĭ, hơtŏk jang hơdoi mŭk drăm – tĕch pơdro, asong jang, joh ayŏ kơdŏ suang, pơtho pơhrăm păng hơpeh hơpong kon pơlei kơyuơ tơdrong pơyua ăn kon pơlei 2 teh đak, kơyuơ tơdrong rơngei hiôk hian, sơđơ̆ng păng hơtŏk tơ-iung lơ̆m tơring păng lơ̆m apŭng plenh teh.