Tơ̆ hơnăp rup tơbăt kơ Ƀok Kơdră Hồ Chí Minh, tang măt ăn Đảng uy Kuô̆k hô̆i păng dôm hơnih jang kơ Kuô̆k hô̆i, Kơdră Kuô̆k hô̆i Trần Thanh Mẫn kŭp yom plang hlôt nhang ƀlŏk tơbăt păng hmach bơnê kăp gĭt hăm tơdrong plang tih tên đơ̆ng Ƀok hăm tơdrong jang kăch mang kơ Đảng păng kon pơlei.

Kơdră Kuô̆k hô̆i pơkăp, sơnăm 2026 gô atŭm hăm Đảng uy Kuô̆k hô̆i, hơnih jang kơ Kuô̆k hô̆i tơlĕch jang đei jơnei kiơ̆ Tơchơ̆t Hop akŏm bơngai tang măt 'măng mă 14 kơ Đảng păng sơnong jang kơ Kuô̆k hô̆i lơ̆m tơdrong chih pơkăp khôi luơ̆t, hơlen kơjăp dôm tơchơ̆t kăp gĭt. Mă kăl, hơmet ăn tơdrong pôk rơih bơngai jang tang măt ăn Kuô̆k hô̆i jăl 16 păng Hô̆i đŏng kon pơlei dôm jăl jang 2026-2031 kiơ̆ pơkăp atŭm, yak hơdoi hăm Jơnŭm pơgơ̆r teh đak vă pơklaih tơnap tap, tơhlăk tơhlĭn kơ teh đak lơ̆m khei năr dang ei.