Jô̆ truh đĭ khei 6, rim anih jang Trung ương păng tơ ring hlôi băt hơ dăh tơ drong akŏm dăr hơlen lăng; lơ̆m noh hlôi dăr hơlen lăng păng tơlĕch trong jang hơ met pơ 'lơ̆ng hăm hloh 13.200 hla ar khôi luơ̆t. Đơ̆ng rŏng kơ mơ̆ng dôm nơ̆r pơ ma, Kơ dră Quốc hội pơma hơdăh, roi tơbăt ưh khan lăp chih jô̆ hơlen dôm hla ar ưh kơ lăp mă athei băt hơdăh trong vă jang, hơnăp jang, trong jang păng tơdrong chih hơmet pơ'lơ̆ng khôi luơ̆t đơ̆ng rim anih tơm, anih jang, tơ ring.

Tơdrong hơgăt hơtuch ‘noh jĭ pơm ăn khŭl jang khôi luơ̆t tŏ sĕt ƀiơ̆, ƀônh kơ hlôh ƀiơ̆, ƀônh kơ ƀơ̆jang kiơ̆ ƀiơ̆; tơ jur pơm hla ar păng tơ jur jên pơm kiơ̆. Đơ̆ng rŏng ‘măng akŏm dăr hơlen âu, tơdrong jang khôi luơ̆t athei drơ̆ng mĭnh nơ̆r hloh, rơđăh hloh păng pơyua ăn hơtŏk tơiung ‘lơ̆ng hloh.