Tơchĕng adrol lơ̆m ‘măng năm ngôi tơ̆ teh đak Cộng hòa Armenia, Kơdră Quốc hội Trần Thanh Mẫn đei dôm ‘măng tơƀâp pơma nuh, pơma đam hăm Kơdră chĕp kơ̆l teh đak boăl. Kơdră Quốc hội sơng Grŭp Nghị sỹ jang tơbôl Armenia - Việt Nam; năm ngôi tơ̆ Hnam trưng Đăi hŏk Tổng hợp Quốc gia Yerevan; Truh pơma đam đơ̆ng Khul tĕch mơdro Việt Nam -Armenia.

‘Măng năm ngôi đơ̆ng Kơdră Quốc hội Trần Thanh Mẫn păng hơkăn ƀok kŭm hăm Khul tang măt ăn teh đak Việt Nam truh tơ̆ Armenia ưh lăp vă hơmet kơjăp tơdrong pơvei chinh trĭ păng nghị viện đĕch, mă oei pơih đei tơdrong ‘lơ̆ng vă hơtŏk tơdrong jang hơdoi mŭk drăm, tĕch mơdro păng tơmât jên jang – dôm tơdrong mă 2 teh đak đei lơ tơdrong ‘lơ̆ng vă jang hơdoi; pơlung dôm anih jang, tơring tơrang đơ̆ng 2 păh vang jang hơdoi vă hơmet kơjăp tơdrong pơvei ‘lơ̆ng hơiă đơ̆ng sơ̆ kơ kon pơlei 2 teh đak, chih hơdăh dôm trong vă jang păng trong pơm hơtŏk tơdrong đei yoa mưh jang hơdoi 2 pang đei yoa ngăl.