Pơma tơ̆ ‘măng hop akŏm, Kơdră Quốc hội Trần Thanh Mẫn roi tơbăt, ‘măng hop akŏm ‘măng âu đei lơ tơdrong gĭt kăl, ƀơm truh tơdrong jang mŭk drăm - tơpôl, khŭl lĭnh, sơđơ̆ng păng pơjing khŭl jang chĭnh kơ teh đak. Mă lei ‘noh ‘măng hop akŏm ăn tơgop nơ̆r găh tơdrong hơmet ming 1,2 hơpăng đơ̆ng khôi luơ̆t tơm teh đak sơnăm 2013, ƀơm truh tơdrong pơm tŏ sĕt bơngai jang kiơ̆ Tơchơ̆t 18. Pơma pơtôch tơ̆ ‘măng hop akŏm, Kơdră Quốc hội Trần Thanh Mẫn drơ̆ng nơ̆r hăm hla ar chih tơroi tơbăt đơ̆ng Tổng thư ký Quốc hội.

Kơdră Quốc hội Trần Thanh Mẫn athei Khŭl kơdră teh đak păng dôm anih jang hơnơ̆ng jang hơdai kơjăp, hơdrin, khŏm jang mă ‘lơ̆ng vă chih pơkeh hla ar hô sơ, hla ar chih dôm tơdrong tơm ‘măng hop akŏm, mă loi ‘noh jĭ dôm tơdrong pơtruh ăn Quốc hội set hơlen pơdrơ̆ng kiơ̆ tơ̆ 1 ‘măng hop akŏm; pơtruh ăn Anih chĕp kơ̆l pơgơ̆r Quốc hội lơ̆m khei 04/2025, găn ƀiơ̆ lê̆ truh ‘Măng hop akŏm mă 5.