Tang măt kơdră chĕp kơ̆l Đảng, Teh đak, Kơdră Quốc hội Trần Thanh Mẫn lăng ‘lơ̆ng păng hmach chơt hơiă găh dôm jơnei gĭt kăl xăh Thạnh Xuân hlôi jang đei lơ̆m 5 sơnăm âu ki; tơdrong jang hơmet ăn hop akŏm tơpăt kiơ̆ ƀlep jơhngơ̆m đon pơgơ̆r đơ̆ng Trung ương păng đơ̆ng pơlei tơm Cần Thơ hăm tơdrong hơiă ‘nao, đon lui ‘nao ăn jăl jang ‘nao.

Hop akŏm hlôi mơ̆ng roi tơbăt hơdăh tơdrong tơchơ̆t đơ̆ng Khŭl kơdră chĕp kơ̆l pơgơ̆r Anih jang Đảng pơlei tơm Cần Thơ găh tơdrong athei Khŭl chĕp kơ̆l, Khŭl pơgơ̆r, Bí thư, Phŏ Bí thư Đảng xăh Thạnh Xuân jăl jang 2025 - 2030. Kiơ̆ kơ ‘noh, Khŭl chĕp kơ̆l pơgơ̆r Đảng bộ xăh đei 33 ‘nu; Khŭl chĕp kơ̆l pơgơ̆r Anih jang Đảng xăh đei 11 ‘nu. Bí thư Đảng xăh Thạnh Xuân ‘noh yă Phạm Thị Thùy Dung.