Hơiă kơ ƀok Shoigu păng Khul tang măt ăn Anih vei sơđơ̆ng teh đak Nga năm ngôi tơ̆ Việt Nam, Tổng Bí thư Tô Lâm pơma hơdăh, ‘măng năm ngôi âu tôch gĭt kăl, vang tơgop pơm hơtŏk hlŏh dơ̆ng tơdrong jang hơdoi đơ̆ng dôm anih kơpal kơ 2 teh đak găh tơdrong vei sơđơ̆ng teh đak kŭm nhen dôm tơdrong jang gĭt kăl nai.

Tổng Bí thư pơma hơdăh, Việt Nam ‘mĕh hơtŏk tơdrong jang păng pơm gơng tơƀưh, ‘măng mât lĕch vă teh đak Nga hơtŏk tơdrong jang hơdoi hăm ASEAN păng dôm teh đak ASEAN. Ƀar păh pơma nuh găh trong pơm hơtŏk tơdrong jang hơdoi lơ̆m lơ tơdrong pha ra băl păng drơ̆ng nơ̆r hơtŏk dôm trong hơdoi găh mŭk drăm – tĕch mơdro, pơih xă tơdrong jang hơdoi găh unh hơyuh, kơchơ̆t sŏh, choh jang xa, pơm kơmăy păng jang kơmăy kơmŏk ‘nao; atŭm hăm ‘nŏh pơlung rim tơring, anih tĕch mơdro păng khul jang mŭk drăm pơvei băl, jang hơdoi vă tưk tơiung jơhngâm pran ‘nao ăn tơdrong pơvei, jang hơdoi 2 pang.