Pơma tơ ‘măng hop akŏm, Thủ tướng Phạm Minh Chính tơbăt, vă jê̆ 2 khei âu ki, Khŭl kơdră teh đak, Thủ tướng Teh đak kŭm hăm dôm anih tơm, anih jang, tơring tơ ter đak dơsĭ đĭ tôch bơneh, akŏm ‘lơ̆ng bơ̆jang kiơ̆ khei tang găn rôp yâu ka glăi IUU hăm tơdrong tơm "Khŏm bơ̆jang hăm iŏk jang IUU khŏm pleh the dreng đơ̆ng EC hăm tơdrong jang ka Việt Nam lơ̆m sơnăm 2025. Thủ tướng athei akŏm pơjing hla ar chih roi tơbăt kiơ̆ athei đơ̆ng EC, tơdăh roi tơbăt tam mă gơh athei lăng dơ̆ng, đei anih mă hơdăh, klăih song rơđăh rơđong.

Tơroi tơđăh dôm tơdrong tơlĕch ăn jang dang yơ, bu jang, jang thoi yơ, tơlĕch tơdrong hơgăt hơtuch sơnăm 2025 ‘noh athei pleh the dreng IUU. Hơdai hăm ‘noh, Thủ tướng tơroi tơdrong hơgăt ưh khan lăp oei tơ̆ tơdrong pleh the dreng đơ̆ng EC mă gĭt kăl hloh ‘noh jĭ hơtŏk tơiung kơjăp đơ̆ng anih jang ka hơdang Việt Nam; vei lăng tơdrong jang rôp yâu ka hơdang đei tơnăp, đei băt hơdăh anih pơm tơlĕch, vei lăng đei ka hơdang, đĭ đăng yua kơ bưng ai kơ teh đak, yua kơ drĕch hơdrŭng, yua kơ tơdrong đei yua kơ kon pơlei.