Pơma tơ̆ lêh pơtôch, Kơdră Quốc hội Trần Thanh Mẫn ăn tơbăt, tơ̆ hơnăp kơnh, đei lơ tơdrong gĭt kăl nhen: Tơbăt ‘măng Pôk rơih mă blŭng kơ Quốc hội Việt Nam; Hop akŏm pơjei băl ‘mêm teh đak păng pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring đơ̆ng 2026-2031.

Kơdră Quốc hội Trần Thanh Mẫn hơpơi ‘mĕh: Mă đơ̆ng iŏk jang tơdrong jang kiơ, iĕm athei hơnơ̆ng vang tơgop ăn Quốc hội, ăn Jơnŭm pơgơ̆r kon pơlei jơ̆p tơring, vă Quốc hội hơnơ̆ng tŏk pran, jang ‘lơ̆ng hơnăp jang chih pơjing khôi luơ̆t, dăr lăng păng tơchơ̆t dôm tơdrong gĭt kăl kơ teh đak. Kơdră Quốc hội lui, lơ̆m jăl jang kơ Quốc hội jăl XVI, kơsô̆ drŏ kăn pơm bơngai tang măt Quốc lăp hăm kơsô̆ đei tơlĕch.