Kiơ̆ hla ar tơroi tơ̆ Hop akŏm, sơnăm 2025, tơdrong jang kơ khul linh, vei lăng sơđơ̆ng teh đak tơ̆ tơring đei dôm anih jang kơpal păng khul linh lơ̆m dêh char tơlĕch jang hrơ̆ch ‘lơ̆ng; tơring tang găn đei hơmet kơjăp; trong jang hơdoi vang tơjră hăm rim tơdrong krê hơmơt roi tŏk. Lơ̆m ‘măng ‘mi kial kơsô̆ 13 păng ‘mi tih đak lip âu ki, khul linh dêh char Đắk Lắk tơtom năm tơgŭm ăn kon pơlei, chông tơlĕch kon pơlei đơ̆ng anih krê hơmơt, vang hơmet pơ ‘lơ̆ng hiong răm, ‘măn đe lơ tơdrong ‘lơ̆ng hơiă lơ̆m jơhngâm đon kon pơlei.

Mă lei, mă tơpă ‘mi kial hơbŭt tôch dêh, hlôi tơƀôh hơdăh tơdrong ưh gan lăp lơ̆m tơdrong vei lăng kon pơlei păng khul bơ̆ jang tơ̆ dôm xăh, phường tam mă pran, ưh đei kơchăng, tơhlăk tăk mưh pơgơ̆r tơjră. Tơdrong đei yoa mưh vei lăng teh đak găh khul linh tơ̆ 1,2 tơring oei tam mă pran; tơdrong jang roi tơƀôh păng tơlĕch trong jang tŏk mŭk drăm tơpôl hơdai hăm vei sơđơ̆ng teh đak tam mă hrơ̆ch ‘lơ̆ng. Kiơ̆ đơ̆ng noh, dêh char Đắk Lắk athei dôm tơring păng khul linh hơmet pơ ‘lơ̆ng dôm tơdrong ‘nŏh, mă loi hăm khul linh vei lăng tơ̆ tơring.