Kơkuh chơt hơiă kơ dôm bơngai mơdro sa vang truh pơma đam, Kơdră Quốc hội Trần Thanh Mẫn pơma hơdăh, ‘măng năm ngôi âu ưh khan lăp vă hơmet ming tơdrong pơvei chĭnh trĭ, nghị viện, mă oei pơih ăn tơdrong hiôk pơtrŭt jang hơdai mŭk drăm, tĕch mơdro păng tơmơ̆t jên jang mă pơđĭ 2 teh đak adoi đei tơmam ‘lơ̆ng tih tên vă vang hơdai băl iŏk jang.

Vă pơtrŭt, pơm ‘lơ̆ng hloh, tôm tơdrong păng đei yua ƀiơ̆ đơ̆ng tơpôl mơdro sa Việt Nam păng Armenia hơnơ̆ng đei dôm tơdrong hiôk pơma dơnuh, chă hơlen lăng păng iŏk jang dôm tơdrong hiôk jang hơdai, tơmơ̆t jên jang, mă loi ‘noh jĭ lơ̆m dôm tơdrong jang lơ tơmam ‘lơ̆ng păng ‘meh vă. 2 teh đak kăl kơ hơtŏk loi dơ̆ng pơma dơnuh khŭl rim kơdră, mă loi ‘noh jĭ kơdră kơpal vă hơmet ming đon lui chĭnh trĭ păng pơtrŭt jang hơdai lơ̆m rim tơdrong jang đei tơmam ‘lơ̆ng.