Lơ̆m Hla ar chih nơ̆r sơ ‘ngon, ƀok Nguyễn Thanh Nghị tơƀôh đon ‘mêm kơeng tơ̆ hơnăp tơdrong lôch hơchăng đơ̆ng 1 ‘nu bơngai buăl juăt tôch ‘lơ̆ng, bơngai buăl tih kơ kon pơlei Việt Nam pơma atŭm păng plt HCM pơma hơdrô̆. Ƀok Khamtay Siphandone đei kŏng tih tên lơ̆m tơdrong tưk tơiung tơdrong pơvei tôch kăp gĭt, mât 1 ƀơ̆r đon păng jang hơdoi tôm tơdrong Việt Nam – Lào.

Kơdră chĕp kơ̆l plt HCM pơma hơdăh vă hơnơ̆ng chĕp vei, tưk tơiung tơdrong pơvei 1 jơhngâm đon nhen thoi ‘nhŏng oh pôm hnam đơ̆ng plt HCM păng dôm tơring kơ teh đak Lào, vang tơgop pơjing tơdrong pơvei Việt – Lào ling lang kơjăp ‘lơ̆ng. Tang măt ăn Anih chĕp kơ̆l Đảng plt, Jơnŭm pơgơ̆r kon pơlei, Anih vei lăng kon pơlei, Anih MTTQ Việt Nam plt HCM păng kon pơlei tơ̆ plt, ƀok Nguyễn Thanh Nghị pơtruh nơ̆r ơh sơ ‘ngon hăm Đảng, Teh đak, kon pơlei Lào păng unh hnam nhap ƀok Khamtay Siphandone, hơpơi rim bơngai jăh tŏk hlôi tơdrong hiong răm tih âu.