Tơdrong vă jang đei hơmet ăn tơmơ̆t jên jang lơ̆m sơnăm 2025 păng keh đang, ăn gre rok lơ̆m sơnăm 2026-2030. Hla bơar chih tơbăt trong chă tơchĕng hơlen Tơdrong vă jang Trong gre rĕnh Quy Nhơn-Pleiku hăm akŏp kon jên tơmơ̆t jang hloh 43.500 ti hlak jên, lơ hloh pơtêng hăm hơlen hơdrol. Kiơ̆ trong pơ prŏ vă jang hơdrol kơ ‘noh, akŏp trong hơtăih kơjung dang 123 km (jăl trong lơ̆m dêh char Bình Định hloh 37 km, lơ̆m dêh char Gia Lai hơtăih hloh 85 km). Hơmet ăn tơdrong vă jang, Hơnih vei lăng Choh jang sa păng Cham char dêh char Gia Lai hlôi pơgơ̆r tơchă bơngai iŏk jang 9 hơnih kôch iŏk teh, hơmet ‘lơ̆ng hơ iă măh mai tơgŭm ming man trong gre nơnăm.