Pơma tơ̆ jơ bơ̆jang, Kơdră teh đak bơ̆n ƀok Lương Cường athei dôm Bơngai tang măt bơngơ̆t truh ‘lơ̆ng, kơchăng hloh dơ̆ng lơ̆m tơdrong jang tơpôl păng vei lăng tơgŭm kon pơlei, hơdrin đĭ jơhngơ̆m lơ̆m tơdrong tơgŭm kon pơlei đơ̆ng teh đak bơ̆n oei tơ̆ teh đak đe, hơtŏk ‘lơ̆ng anih dơ̆ng đơ̆ng tơpôl bơ̆n tơ̆ tơring oei sa dang ei kŭm nhen jang hơdai kơjăp hăm khŭl kơdră tơring oei sa dang ei lơ̆m tơdrong jang vei lăng tơgŭm kon pơlei, tơ gŭm anih mơdro sa Việt Nam. 

Kơdră teh đak pơma hơdăh, Đảng păng Teh đak ling lang bơngơ̆t truh păng pơm rim tơdrong hiôk pơyua ăn tơdrong jang kŭm nhen vei lăng tơdrong hơrih sa tơmam drăm, jơhngơ̆m đon kơ rim kang ƀô̆, bơngai jang; vei sơđơ̆ng trong tơgŭm hăm dôm bơngai jang lơ̆m anih jang tang măt ăn Việt Nam tơ̆ teh đak đe lăp hăm tơdrong jang, anih dơ̆ng păng tơdrong hiôk mŭk drăm kơ teh đak lơ̆m tơdrong ‘nao.