
Tơ̆ 'măng pơma đam, Ƀok Kơdră Lương Cường sơkơ̆t hơdah Việt Nam hơnơ̆ng lăng tơgĭt păng hơpơi 'meh hơtŏk jang tơbôl lơ tơdrong jang hăm teh đak Bỉ, teh đak vang jang đei sơnong jang păng nơ̆r pơma kăp gĭt lơ̆m EU; tơƀôh tơdrong tơgŭm kăp gĭt đơ̆ng kon pơlei Bỉ hăm Việt Nam lơ̆m tơdrong iung tơjră pơrơngei tôm kon pơlei hơdrol ki, adoi nhen đon bơnôh 'lơ̆ng rŏ păng tơdrong tơgop đơ̆ng kơdih po Ƀok pơtao păng Hơkăn ƀok pơtao teh đak Bỉ 'măn ăn teh đak, kon pơlei Việt Nam păng tơdrong jang tơbôl kơ 2 teh đak lơ̆m khei năr ou ki.
Ƀar ƀok kơdră hlôi pơma đam gah dôm trong jang hadoi tih tên đơ̆ng 2 teh đak vă hơtŏk tơdrong jang tơbôl juăt jue Việt Nam - Bỉ gơh kơjăp păng đei jơnei hloh, đei hloi tơdrong akŏm pơma đam khul kơdră kơpal, lơ̆m tôm tơdrong jang Đảng, Jơnŭm pơgơ̆r teh đak, Kuôk hô̆i; pơtoi tơlĕch jang đei jơnei dôm tơchơ̆t jang tơbôl oei đei păng chă chih akŏm tơdrong jang hadoi 'nao vă kơhret kơjăp hloh dơ̆ng tơdrong jang hadoi kơ 2 teh đak.
Viết bình luận