Pơgơ̆r ƀlep lơ̆m khei ‘năr 2 teh đak tơbăt 50 sơnăm pơjing tơdrong pơvei jang tơbôl - ‘măng năm ngôi đơ̆ng Kơdră tơm teh đak Burundi Évariste Ndayishimiye păng Hơkăn sư truh tơ̆ Việt Nam ‘măng âu đei lăng ‘noh jĭ tơdrong hơiă gĭt kăl lơ̆m tơdrong pơvei 2 teh đak; tơƀôh ‘meh vă hơtŏk loi dơ̆ng pơvei tơbôl jang hơdai hloh dơ̆ng lơ̆m rim tơdrong jang chĭnh trĭ, mŭk drăm, tĕch mơdro, joh ayŏ păng tơpôl; lăp hăm trong jang đơ̆ng Đảng păng teh đak lơ̆m tơdrong pơih să tơdrong pơvei jang tơbôl hăm dôm teh đak, mă hơdăh ‘noh jĭ Tơdrong jang “Hơtŏk tơiung tơdrong pơvei đơ̆ng Việt Nam păng dôm teh đak tơring Trung Đông - châu Phi jăl jang 2016-2025”.

Lơ̆m jơnăr năm ngôi tơ̆ Việt Nam, Kơdră tơm teh đak Burundi Évariste Ndayishimiye gô vang truh pơm lêh sơng păng pơma đam hăm Kơdră teh đak Lương Cường, tơƀơ̆p kơdră chĕp kơ̆l Đảng, Teh đak Việt Nam.