Kiơ̆ tơlĕch jang, dêh char gô tơjur 628 hnam trưng pơtho đe hơ-ioh, phôh thŏng păng hnam trưng thương xuyên kŏng lơ̆p, oei 825 hnam trưng. Tơdrong pơkăp đei pơm kiơ̆ tơdrong hơgrop, hơmet 'lơ̆ng hnam trưng hŏk mă trŏ ƀlep hăm kơsô̆ măt kon pơlei, tơring kon pơlei oei xa păng tơdrong kăl gah vei lăng.

Atŭm hăm noh, Lâm Đồng gô vă tơjur hloh 1.000 bơngai jang kơpal păng 680 bơngai jang lơ̆m hnam trưng, mă lơ noh jang văn thư, kê̆ tuăn, vei jên. Rim tơring keh đang tơdrong pơkăp hơnih jang hơdrol kơ năr 27/8 păng pơjao bơngai jang, hô sơ, jên hu, mŭk drăm hơdrol kơ năr 30/8. Tơchơ̆t jang ou đei lơ bơngai pơtho drơ̆ng lăp.