Tơ̆ lêh pơtơm, Kơdră Anih jang vei lăng kon pơlei dêh char Lâm Đồng Hồ Văn Mười hơvơn tôm kang ƀô̆, bơngai jang păng tôm kon pơlei chă hơlen băt drơ̆ng minh; kơchăng hăm tơdrong hŏk pơhrăm kiơ̆ tơplih kơmăi kơsô̆; rim anh jang, rim tơring athei răt kơmăi kơmŏk, vei sơđơ̆ng bơngai jang, hơlen lăng tơdrong pơtho pơhrăm, pơih dôm lăm pơhrăm mă trŏ ƀlep hăm rim tơring, ưh đei jô̆ truh sơnăm ou to pơm jang kiơ lơ̆m tơpôl.

Đơ̆ng rŏng kơ lêh pơtơm pơhrăm kiơ̆ tơplih kơmăi kơsô̆, kơ rơbou kang ƀô̆, bơngai jang kơ dêh char Lâm Đồng đei asong năm hŏk gah trong yua kơmăi kơsô̆ 'măn ăn tơdrong jang kơ jơnŭm pơgơ̆r 2 tăl; iŏk yua trơ̆ lĭ ảo, Chat GPT, trong tơmang pơhiơ̆ hơgei 4.0; hơlen băt kơtơ̆ng ang gah groi teh.