Phŏ Thủ tướng lăng ‘lơ̆ng tơdrong hơdrin đơ̆ng tơring, vang tơgŭm mơmat tat tơ̆ hơnăp hiong răm yua đơ̆ng “ kial hơbŭt hăm ‘mi tih đak lơ̆p”; athei hơnơ̆ng vei lăng tơdrong hơrih sa Kon pơlei, mă loi ‘noh jĭ ŭnh hnam teh đak tơgŭm, ŭnh hnam dơnuh hin. Pơma tơ̆ jơ bơ̆jang, Phŏ Thủ tướng Hồ Quốc Dũng lăng ‘lơ̆ng dôm jơnei mă tơring iŏk đei; vang tơgŭm, mơnat gĭt kăl tơ̆ hơnăp dôm tơdrong hiong răm tôch kơ dêh yua đơ̆ng kial hơbŭt păng ‘mi tih đak lơ̆p pơm ăn.

Phŏ Thủ tướng ‘meh vă khŭl kơdră păng kon pơlei Tuy Phước hơnơ̆ng hơtŏk tơdrong joăt joe pơlei pơla kach mang nuih mơng, akŏm vei lăng tơdrong hơrih sa Kon pơlei, mă loi ‘noh jĭ dôm ŭnh hnam teh đak tơgŭm, ŭnh hnam dơnuh hin. Hăm tơdrong tơmơ̆t hơdai dêh char Gia Lai, jing dêh char să hloh mă 2 lơ̆m teh đak, xăh Tuy Phước gô đei dơ̆ng lơ tơdrong hiôk hơtŏk tơiung ƀơ̆t dôm trong nơnăm tơm pơm đang, pơm tơƀưh hiôk hăm anih kơdrơ̆m Quy Nhơn. ‘Măng âu, khŭl bơ̆jang năm ngôi, asong tơmam ăn klo kăn lĭnh jĭ rơka Nguyễn Thanh Mạnh – Dương Thị Bích Liên păng Mĕ Việt Nam nuih mơng Trương Thị Liên.