Tơchĕng lăng 2 ‘măng hop akom: ‘măng mă 1: 1 năr (kơsơ̆ ou hăm pơgê dơning năr 04/9/2026); ‘măng mă 2: 4 năr 1 poăt (đơ̆ng năr 21/9 truh đĭ năr 25/9/2026). Tơ̆ Hop akŏm mă 6, Hơnih bơ̆ jang chĕp pơgơr Kuôk hô̆i gô lăng hơlen, ăn tơgop nơ̆r găh 27 Tơdrong vă pơjing Khôi luơ̆t, Tơdrong tơchơ̆t, mă kăl nhen tơdrong vă jang: Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Chứng khoán; Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Kế toán, Khôi luơ̆t Kiểm toán kơdrô̆ …jei tơ̆ hop akom, Hơnih bơ̆ jang chĕp pơgơ̆r Kuô̆k hô̆i gô lăng hơlen, pơdrơ̆ng kiơ̆ rim tơdrong vă pơjing Tơdrong Tơchơ̆t kăl nhen: Tơdrong tơchơ̆t găh Tơdrong jang pơjing khôi luơ̆t sơnăm 2027; Tơdrong tơchơ̆t sơkơ̆t hơdăh tơdrong rim hơnih bơ̆ jang dăr lăng đei tơlĕch kon jên đơ̆ng rim kon jên iŏk tơvih, đei ƀôh kiơ̆ ‘măng dăr lăng đơ̆ng rŏng ba ăn hơnih mong jên bơ̆ jang Teh đak vă kla ăn tơdrong jang păng pơm hơtŏk jang kơtang kơ hơnih bơ̆ jang dăr lăng; Tơdrong tơchơ̆t sơkơ̆t hơdăh găh trong tơgŭm vei lăng Thẩm phán. Hơnih bơ̆ jang chĕp pơgơ̆r Kuô̆k hô̆i gô ăn tơgop nơ̆r găh Tơdrong vă jang tơm Teh đak tang găn hơlou, iung tơjră tang găn yoch jăl jang 2026 -2030, lăng truh sơnăm 2035.