Tơdrong jang akŏm hloh 150 bơngai tang măt ‘noh jĭ kang ƀô̆ Đoàn, bơngai jang lơ̆m khŭl hơdruh tơdăm păng dôm bơngai mơdro sa sơnăm mơlôh hơgei kơ 3 teh đak. Pơma tơ̆ tơdrong jang, dôm bơngai tang măt tă kơ pơma hơdăh: Việt Nam, Lào păng Campuchia hlôi vang hơdai băl tơroi jơhnơr hơrih, tơƀơ̆p pơma dơnuh hơdai đunh đai; hlôi vang yak hơdai, tơgŭm băl yak hloh dôm khei ‘năr mơmat tat kơ jơhnơr hơrih iung tơblăh iŏk rơngei hơdrĕch hơdrŭng.

Lơ̆m chăl ‘nao, 3 teh đak hơnơ̆ng vang yak hơdai lơ̆m tơdrong jang pơjing, vei lăng păng hơtŏk tơiung teh đak. Tơdrong pơvei tơbôl ‘noh jĭ tơdrong ‘lơ̆ng gĭt kăl vă rim tơring pơih să jang hơdai tơpă lơ̆m lơ tơdrong jang: mŭk drăm, tĕch mơdro, tơmơ̆t jên jang, pơtho pơhrăm, khoa hŏk - kơmăy kơmŏk, joh ayŏ păng chă tơmang lăng. Tơ̆ tơdrong jang, Anih jang Đoàn dêh char Gia Lai hlôi pơgơ̆r kĭ pơkăp Hla ar chih tơƀlŏk jang hơdai jăl jang 2026 - 2030 hăm Anih jang đoàn dêh char dôm dêh char Sekong, Salavan păng Attapeu (Lào) vă bơ̆jang kiơ̆ ‘lơ̆ng dôm nơ̆r pơkăp hơtŏk tơiung.