Jăl jang 2025-2030, Đảng ƀô̆ Kŏng ang dêh char Gia Lai sơkơ̆t hơdah, pơtoi tơguăt hăm dôm tơchơ̆t jang đơ̆ng Trung ương Đảng, Đảng uy Kŏng ang Trung Ương; pơtoi iŏk yua sơnong jang tơm lơ̆m tơdrong vei sơđơ̆ng tơpôl, pơm jang tơnăp tơdrong hơtŏk mŭk drăm – tơpôl kơ tơring; pơm kiơ̆ kơjăp 4 Tơchơ̆t tơm kơ Anih tơm Chĭnh trĭ păng hơtŏk kơtang tơdrong pơjing khul Kŏng ang kon pơlei tơpă hlăng 'lơ̆ng kơjăp kơtang, hơbĕch hơbal, pơtrŏ hăm sơnong jang 'nao.

Hop akŏm hlôi tơbang Tơchơ̆t đơ̆ng Anih jang Tĭnh uy Gia Lai gah tơdrong pơjao Ƀan châ̆p hanh Đảng ƀô̆ Kŏng ang dêh char đei 23 'nu jang; Anih jang Đảng uy Kŏng ang dêh char đei 7 'nu jang; pôk ƀok Thiếu tướng Lê Quang Nhân, Kơdră Kŏng ang dêh char Gia Lai  iŏk jang Ƀĭ thư Đảng uy Kŏng ang dêh char Gia Lai, jăl jang 2025 - 2030.