Pơjing kuân đoan 12 bot 'lơ̆ng, pran kơtang
Thứ tư, 08:36, 06/08/2025
Lan chih tơblơ̆
Lan chih tơblơ̆
VOV.Bahnar – Năr 5/8 tơ̆ Ninh Bình, Tổng Bí thư Tô Lâm năm hơpong ngôi păng pơgơ̆r 'măng pơm jang hăm Kuân đoan 12, Anih tơm vei lăng Khul linh.
Kuân đoan 12 đei tơ-iung pơjing ah hơtuch sơnăm 2023 kiơ̆ pơkăp tơmơ̆t hơdai dôm anih jang kơ khul linh kơ Kuân đoan 1 păng Kuân đoan 2. Lơ̆m tong hơnê̆ anglŏ sơnăm tơ-iung pơjing păng vơ̆ pran, khul linh Kuân đoan 1, Kuân đoan 2 hơdrol ki – dang ei noh Kuân đoan 12 hơnơ̆ng keh đang tơnăp rim sơnong jang đei pơjao; chơt hơ-iă đei 13 'măng sơng Ƀok Hô vih hơpong ngôi; đei Đảng, Teh đak pôk ăn 7 Mê đai Hồ Chí Minh…
Pôk bơnê kơ dôm tơdrong mă Kuân đoan jang đei jơnei, Tổng Bí thư Tô Lâm pơgơ̆r lơ̆m khei năr truh, kang ƀô̆ khul linh kăl pơtoi pơm kiơ̆ kơjăp dôm tơdrong tơchơ̆t, pơjing kuân đoan bot 'lơ̆ng, pran kơtang, pơtrŏ hăm tơdrong pơjao jang, jing khul jang hơgei hơbĕch hơbal kơ Khul linh kon pơlei Việt Nam.
Viết bình luận