Kiơ̆ tơlĕch jang, 'Măng hop akŏm đei pơgơ̆r jing 2 'măng, 'măng mă 1: đơ̆ng năr 14 -17/4/2025; 'măng mă 2 đơ̆ng năr 22 – truh pơgê năr 28/4/2025. Lơ tơdrong chih akŏm luơ̆t kăp gĭt gô đei tơgop nơ̆r lơ̆m 'măng hop akŏm kơ Anih jang Kơpal Kuôk hô̆i. Tơ̆ hop akŏm ou, Anih jang Kơpal Kuôk hô̆i tơgop nơ̆r gah hô sơ hơmet ming minh ƀar tơdrong tơchơ̆t lơ̆m Khôi luơ̆t sơnăm 2013; pơjing Anih jang chih akŏm hơmet minh ƀar tơdrong lơ̆m Khôi luơ̆t sơnăm 2013; iŏk nơ̆r tơgop đơ̆ng kon pơlei gah chih akŏm hơmet minh ƀar tơdrong pơkăp lơ̆m Khôi luơ̆t sơnăm 2013.

Anih jang Kơpal Kuôk hô̆i adoi hơlen tơdrong pơkăp đơ̆ng Anih jang Kơpal Kuôk hô̆i gah pơkăp anih jang hanh chĭn (tơplih kơ Tơchơ̆t kơsô̆ 35/2023 kơ Anih jang Kơpal Kuôk hô̆i jăl 15 gah tơdrong pơkăp anih jang hanh chĭn tơ̆ apŭng, xah jăl sơnăm 2023 - 2030).