‘Măng hop akŏm dăr lăng hơlen vă lăng hơlen tơdrong jang keh đang dang yơ, dăr lăng tơdrong jang ‘lơ̆ng bơ̆ jang hơmet ăn rim tơdrong jang kăl nhen pơm lêh tơbăt, pơgơ̆r iung yak pơrŏ. Truh dang ei, pơlei tơm hlôi jang keh đang 8 tơdrong jang tơm, lơ̆m ou đei lơ tơdrong pơgơ̆r tih nhen hop akŏm tơbơ̆p muh măt kang ƀô̆ so, pơgơ̆r joh ayŏ kơdŏ soang “Jơ̆p lơm teh đak chơt hơ iă ‘nă hal”, jơ tôn reh “Tơdra tôn reh rơngei hiôk hian”…Ƀok Nguyễn Văn Nên athei đĭ đăng kang ƀô̆ sơkơ̆t hơdăh jơhngơ̆m đon “Jang keh đang tơdrong ưh khan hlôi đĭ đĭ jơ”, tơplih dih băl jơ ‘năr, khul jang vă sơđơ̆ng keh đang păng jang ‘lơ̆ng hloh ăn rim tơdrong pơgơ̆r tơbăt. Gơmăng năr 25/4, tơ̆ jăl trong Lê Duẩn, Quận 1, pơlei tơm HCM hlôi pơgơ̆r pơlong năng iung yak pơrŏ Teh đak hơmen ăn pơm lêh tih 30/4 truh ou kơnh.