‘Nâu jĭ tơdrong jang đei pơgơ̆r tih hlŏh đơ̆ng sơ̆ truh dang ei tơ̆ dôm xăh sơlam Đắk Wil, Thuận An, Thuận Hạnh, Quảng Trực păng Tuy Đức. Tơdrong jang hơpăh hlŏh 2.600 tơpu tơmam ăn kon pơlei, kăn ƀô̆, linh; pơgơ̆r dôm tơdrong jŏh ayŏ kơ dŏ xoang hơiă kơ Đảng, hơiă kơ pơyan Puih mak păng tơlĕch jang pơjing tơring kon pơlei oei xa akŏm tơ̆ xăh Quảng Trực.

Thiếu tướng Trần Chí Tâm, Phó Chính ủy Quân khu 7, ăn tơbăt, tơdrong pơgơ̆r “Pơyan Puih mak đe linh” tih hlŏh đơ̆ng sơ̆ truh dang ei tơƀôh hơdăh đon pơngơ̆t tôch dêh đơ̆ng Đảng, teh đak hăm khul linh păng kon pơlei tơ̆ tơring; kiơ̆ đơ̆ng noh vang tơgop hơmet kơjăp đon lui ăn kon pơlei tơ̆ tơring sơlam kơ teh đak./.