Pơgê 10/09, tơ̆ Anih bơ̆ jang Khŭl kơdră Tĕh đak, Thủ tướng Lê Minh Hưng pơgơ̆r jơ bơ̆ jang hăm Anĭh tơm vei lăng Jên hu akŭm hăm dôm anih tơm, anih jang ƀơm truh vă mơ̆ng roi tơbăt tơgop nơ̆r lơ̆m dôm trong vă jang tĭh, gĭt kăl vă chih pơkeh hla ar hô sơ dôm Luơ̆t, ‘noh đei: Luơ̆t jên jang tĕh đak (tơmơ̆t hơdai); Luơ̆t rơih bơngai răt iŏk (hơmet ming), Luơ̆t hơmet ming tơmơ̆t dơ̆ng mĭnh ƀar apăng kơ Luơ̆t tơmơ̆t jên jang, Luơ̆t atŏk tơ iung hơnĭh mơdro sa iĕ păng păh lăp tơchĕng hơdrol vă pơtrŭh ăn Kuô̆k hô̆i ăn tơgop nơ̆r tơ̆ 'Măng hop akŏm mă 2 kơnh.

Thủ tướng Lê Minh Hưng tơbăt, 'nâu jĭ dôm luơ̆t ƀơm kơtă truh anih tơmơ̆t jên jang tĕch mơdro, klăih song păng iŏk yoa dôm jên jang, tơdrong jang đơ̆ng anih tĕch mơdro, hơmet pơ 'lơ̆ng anih jang khôi luơ̆t, hơtŏk tơdrong kĕ pơjei đơ̆ng anih jang mŭk drăm, khul anih tĕch mơdro, yoa thoi nŏh, tơdrong chih pơjing 4 luơ̆t athei tơlĕch lơ̆m akŏm tơdrong 'mĕh vă chih pơjing hrơ̆ch 'lơ̆ng, tôm rim trong jang tih đơ̆ng Đảng, mă loi jĭ Tơdrong tơchơ̆t đơ̆ng Hop akŏm mă XIV kơ Đảng, dôm tơdrong tơchơ̆t, pơtôch đơ̆ng Trung ương.