Thủ tướng pơgơ̆r lơ̆m năr 11/4 akŏm minh khul kơpal pơma đam kơyuơ Ƀô̆ trương Anih tơm jang Tĕch pơdro chĕp kơ̆l, hăm khul juăt jang, chih akŏm trong vă tơjră hăm pơkăp "pơyua hơtŏ, tơnap vang glơng". Thủ tướng bơnê kơ tơdrong hơbĕch hơbal, tơtom đơ̆ng rim anih jang tơm lơ̆m khei năr ou ki. Ƀok ăn tơbăt, đơ̆ng rŏng kơ teh đak Nhật Bản păng Hàn Quốc, Mi drơ̆ng nơ̆r tơchơ̆t pơma đam hăm Việt Nam vă hơtŏ tơdrong jang tĕch pơdro kơjăp sơđơ̆ng păng đunh đai.

Gah sơkơ̆t jang, Thủ tướng ră hơdah, tơchơ̆t sơđơ̆ng jang lơ̆m teh đak, vei sơđơ̆ng tơpôl  – chĭn trĭ – sơđơ̆ng tơpôl tơ̆ tơring, sơđơ̆ng jơhngơ̆m đon kon pơlei păng anih asong pơm jang, atŭm hăm noh pơtoi vei sơđơ̆ng tơdrong jang mŭk drăm hơtŏk hơnơ̆ng kiơ̆ sơđơ̆ng jên mong kơ teh đak. Thủ tướng akhan, ou jĭ trong hiôk vă hơmet hơtŏk jang mŭk drăm pơkăp tơplih 'nao hơgei păng asong tơmam drăm pơkăp. Thủ tướng athei hơtŏk tenh tơdrong asong jên jang kơ teh đak, tơjur thuê̆ păng hơmet iŏk jên mong 500.000 tih hlj vă tơgŭm ăn anih jang mŭk drăm.