Tơ̆ hop akŏm, lơ nơ̆r pơma găh tơdrong tơgop nơ̆r ăn Khôi luơ̆t Sek phak (oei vă chih hơmet ming), găh dôm tơdrong hơgăt hăm tơdrong phak pơlôch, pơm kiơ̆ nơ̆r athei phak pơlôch; jên phak hăm dôm tơdrong pơm glăi luơ̆t; dôm tơdrong đei ƀơm truh tơdrong yoch hăm kơmăy kơ mŏk ‘nao, hơlĕnh pơdăr mưh tĕch mơdro; sek phak dăh mă ưh hăm dôm tơdrong pơm glăi mưh tơlĕch trong tĕch mơdro xa ‘nao păng jang pơlong năng hăm khoa hŏk kơmăy kơmŏk... Thủ tướng Phạm Minh Chính pơma hơdăh, ‘măng hơmet ming âu akŏm lơ̆m 1,2 tơdrong, mă loi ‘nŏh hơtŏk tơdrong tơplih ming đơ̆ng phak pơlôch jing phak kron lơ̆m hnam pơnă.

Pơma pơtôch hop akŏm, Thủ tướng pơma hơdăh, chih pơjing luơ̆t roi đunh roi tơplih ‘nao đon tơchĕng, trong pơgơ̆r pơma nuh; tơjur ƀiơ̆ tơdrong pơm lơ hla ar tơroi. Thủ tướng athei klăih song hơdăh hơnăp jang hăm trong dăr hơlen, vei lăng, năm hơdai hăm pơtruh jên, tơmam, khul jang păng hơtŏk đon rơgei ăn khul jang kiơ̆; pơm ‘lơ̆ng rơđăh rơđong hơnăp jang, tơdrong gơ̆h jang, jơnăr pơm kiơ̆ vă mưh luơ̆t đei tơmât yoa ‘nŏh gơ̆h bơ̆ jang kiơ̆ ‘lơ̆ng, đei yoa hloi.