Pơma tơ̆ jơ pơm lêh, Thủ tướng Phạm Minh Chính akhan ‘nâu jĭ tơdrong tôch gĭt kă, pơgơ̆r lơ̆m jơnăr tôch kăp gĭt, ƀlep ƀât tơbăt 50 sơnăm Năr tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng. Vă bơ̆ jang đei tơdrong pơjei băl "Jơ̆p tơring lơ̆m teh đak pơjei băl tơplih ‘nao rơgei păng tơplih hăm kơmăy sô̆", Thủ tướng athei rim anih chĕp kơ̆l đảng, khul kơdră pơgơ̆r tơring, mă loi jĭ bơngai chĕp kơ̆l, jang mă tơnăp hơdrol, hơtŏk đon hlôh vao, tưk tơiung tơdrong tơplih ‘nao rơgei tơ̆ tơring păng anih jang kơdih.

Anih jang kơmăy kơmŏk iŏk hơnăp jang tơm, tơƀôh trong chong glung; khul kơdră pơgơ̆r tơring vang yak hơdoi; kon pơlei adrin jang kiơ̆, kiơ̆ tơdrong hơgăt: "Kon pơlei hăm anih tĕch mơdro jĭ tơm dơnơm, jĭ tơ ‘ngla jang, khul jang tơm, bơngai jang khoa hŏk iŏk jang tơdrong kăl; Teh đak vei kơjăp hơnăp jang chơng hơnhăk, pơjing tơdrong ‘lơ̆ng hlŏh ăn tơdrong jang atŏk tơiung Khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ kơ teh đak".