Tổng Bí thư bơnê kơ dôm tơdrong tơgop đơ̆ng Kơdră jang tang măt lơ̆m hơtŏk Jang tơbôl Việt Nam – Philippines; atŭm hăm noh ră hơdah sơnăm 2025 jĭ gru kơnăl tơbăt 10 sơnăm iung jang Tơbôl kơ 2 teh đak. Tổng Bí thư pơtruh nơ̆r, 2 pah pơtoi hơtŏk jang hadoi gah chĭn trĭ - jang tơbôl, asong khul kơpal truh tơmang dih băl; hơdrin hơtŏk tơmam drăm tĕch răt kơ ƀar pah đei yua 10 ti USD.

'Nguaih kơ noh, 2 pah athei pơih să tơdrong jang hadoi vei sơđơ̆ng tơpôl, joh ayŏ pơtho pơhrăm, tơjră hăm tŏ 'mi kial tơplih. Tổng Bí thư Tô Lâm sơkơ̆t hơdah, Việt Nam gô hơdrin tơgŭm Philippines iŏk jang keh kong sơnong pơm Kơdră ASEAN sơnăm 2026, atŭm hăm noh jang kơjăp hăm rim teh đak ASEAN nai vă iŏk yua sơnong dơnơm kơ jơnŭm jang, pơjing minh Jơnŭm ASEAN tơguăt tơguăl, hơtŏk tơ-iung kơjăp sơđơ̆ng.