Tơ̆ 'măng hop akŏm, rim bơngai jang lơ̆m Jơnŭm chih akŏm tơgop nơ̆r lơ̆m dôm trong jang dơnơm vă hơtŏk mŭk drăm tơ-'ngla pơm tơm. Lơ̆m noh, athei akŏm hơmet pơ-'lơ̆ng trong pơm jang, vei sơđơ̆ng hiôk hian tĕch pơdro, tơgar jang hơtŏ hơnơ̆ng iŏk yua mŭk drăm kơ anih jang mŭk drăm tơ-'ngla pơm tơm. Pơma ah hop akŏm, Thủ tướng Phạm Minh Chính ră hơdah: Tơpôl teh đak dang ei kăl lơ sơnong jang kăp gĭt vă hơtŏk mŭk drăm kơ teh đak.

Lơ̆m noh, mŭk drăm tơ-'ngla pơm tơm jing tơdrong tơm pơm tơlĕch mŭk drăm, tơgop kăp gĭt lơ̆m hơtŏk mŭk drăm, asong tơdrong jang, hơtŏk pơm jang tơnăp hloh, hơtŏk tơplih 'nao gơh hơgei păng hơtŏk tơdrong tơgar jang kơ teh đak. Vă pơjing tơdrong hơtŏk tơ-iung, Thủ tướng Phạm Minh Chính pơgơ̆r athei tơplih 'nao đon tơchĕng, drơ̆ng minh gah trong pơm jang, tơ-iung đon lui, pơjing trong jang 'nao vă hơtŏk mŭk drăm tơ-'ngla pơm tơm.