Hop akŏm sơkơ̆t hơdah, lơ tơdrong pơkăp jang hlôi ƀơm tơhlăk tăk kơyuơ đơ̆ng lơ tơdrong. Khei năr ou ki, Anih tơm Chinh trĭ, Jơnŭm jang Bí thư păng Tổng Bí thư Tô Lâm hlôi pơgơ̆r kơjăp vă akŏm bơngai jang, tang găn huach jên teh đak, anih jang mŭk drăm păng kon pơlei. Sơkơ̆t hơtuch hop akŏm, Thủ tướng Phạm Minh Chính chih akŏm nơ̆r tơgop tơpăt trŏ hăm tơdrong đei ƀôh.

Thủ tướng pơgơ̆r rim anih jang tơm, rim tơring dah hơlen pơkăp păng tơlĕch trong pơm jang kiơ̆ sơnong pơgơ̆r tơ̆ tơring. Dôm tơdrong kơpal hloh noh athei tơtom tơroi tơbăt. Tơdrong sek tơlang athei trŏ bơngai, trŏ tơdrong, trŏ ƀlep hăm tơchơ̆t đơ̆ng Đảng păng khôi luơ̆t teh đak, tơgop hơ-'nhăk dôm tơdrong pơkăp jang dah hrôih đei tơmơ̆t jang, hơtŏk tơ-iung mŭk drăm – tơpôl.