Thủ tướng Phạm Minh Chính tơbăt Việt Nam pơkăp ‘măn kon jên jang truh 20% akŏp kon jên bơ̆ jang teh đak ăn tơdrong jang pơtho pơhrăm, pơjing khul jang, atŏk tơ iung kon bơngai pơ đĭ jơhngơ̆m đon hlôh vao, oei sa ‘lơ̆ng; hơpơi ‘meh vă đei nơ̆r vang pơtho tơbăt, jang hơdoi hăm Mi lơ̆m atŏk tơ iung pơtho pơhrăm. Hăm trong jang “lăng kơjăp jơhngơ̆m đon hơgei, jơ ‘năr păng tơchơ̆t ‘lơ̆ng”, “hlôi ‘lơ̆ng bơih kăl ‘lơ̆ng hloh dơ̆ng, hlôi jơnei bơih kăl jơnei hloh dơ̆ng”, Thủ tướng Phạm Minh Chính lui akhan tơdrong jang hơdoi pơtho pơhrăm Việt Nam-Mi khei năr ou kơnh kơtang hloh dơ̆ng, jơnei hloh dơ̆ng, tơgop lơ̆m tơdrong atŏk tơ iung kơ teh đak kơ dih, kơ hơdrĕch hơdrung kơdih păng tơgoăt Jang hơdoi gĭt kăl tôm tong kơ ƀar teh đak, adoi nhen ăn tơdrong rơnge hiôk hian, sơđơ̆ng, jang hơdoi, atŏk tơ iung lơ̆m tơring păng lơ̆m apŭng plĕnh teh.