Thủ tướng Phạm Minh Chính păng Bơngai tang măt Hà Vĩ lăng dơ̆ng dôm hơyak tŏk pran ‘lơ̆ng đơ̆ng tơdrong pơvei Việt - Trung lơ̆m sơnăm 2025; pơma nuh găh dôm trong jang đei tơlĕch, bơ̆ jang đei yoa ‘lơ̆ng dôm tơdrong tơchĕng atŭm đơ̆ng kơdră chĕp kơ̆l tih hlŏh 2 Đảng, 2 teh đak, atŏk tơiung tơdrong pơvei 2 pang tŏk ‘lơ̆ng hlŏh dơ̆ng tơ̆ hơnăp kơnh.

Thủ tướng athei hơtŏk tơdrong jang hơdoi đei yoa ‘lơ̆ng, tưk tơiung tĕch mơdro 2 pang hơtŏ băl, kơjăp đunh; găh Trung Quốc pơjing tơdrong hiôk hian pơm ƀơk hla ar ăn tơmam đơ̆ng choh jang xa, ka hơdang păng kon tơrong đơ̆ng Việt Nam; tơgŭm ăn tơmam Việt Nam tĕch tơ̆ Trung Quốc păng dôm teh đak nai. 2 păh oei pơma nuh găh tơdrong jang hơdoi răt iŏk unh điên, hơtŏk ‘măng jang sơlam rơgei păng tơdrong jang mŭk drăm tơ̆ dôm tơring sơlam băl.