Tơ̆ jơ hop akŏm, Thủ tướng Phạm Minh Chính pơma hơdăh, ‘măng Iung jang gơh hơgei kmăi kmŏk ‘măng mă puăn jĭ tôch kơtang, mă kăl găh tơdrong bán dẫn, hơnăp jang kơtang, điện toán đám mây, internet vạn vật ... jĭ lơ̆m dôm tơdrong tŏk bŏk atŏk tơ iung tenh koăng, tơgop ăn tơdrong atŏk tơ iung atŭm kơ rim teh đak, lơ̆m ou đei Việt Nam. Lơ̆m teh đak, Thủ tướng tơbăt, tŏk bok tơlĕch rim tơdrong jang, trong pơprŏ jang,lơ̆m ou đei Tơdrong Tơchơ̆t 57 kơ Hơnih tơm Chinh trĭ găh atŏk kơtang atok tơ iung khoa hŏk, kmăi kmŏk, tơplih ‘nao tơchăr păng tơplih kơsô̆ teh đak, rim Tơdrong tơchơ̆t đơ̆ng Kuô̆k hô̆i, Khul kơdră chĕp pơgơ̆r Teh đak ... vă pơtrŭt kơtang khoa hŏk kmăi kmŏk, tơplih ‘nao tơchăr, tơplih kơsô̆, pơtrŭt kơtang chă tơchĕng hơlen, pơm tơlĕch, pơtho pơjing khul jang, atŏk tơ iung hnam kmăi kmŏk, tơ iung pơjing rim tơdrong tơchơ̆t pơkăp pơtrŭt atŏk tơ iung. Thủ tướng athei kăl pơjing đei hơyak pran lơ̆m jang kmăi kmŏk bán dẫn. Trong tơlĕch ăn tŏk mŭk drăm sơnăm ou ‘noh 8,3-8,5% ‘noh hơnih jang kmăi kmŏk bán dẫn Việt Nam kăl tŏk kơtang, chông trong, pơjing đei iung jang hơ iă kơ hơnih jang.