Pơma tơ̆ lêh tơlĕch jang, Kơdră vei lăng Học viện Chính trị quốc gia Hồ Chí Minh Nguyễn Xuân Thắng tơroi rơđăh, khei ‘năr âu ki, Đảng, teh đak bơ̆n hlôi tơlĕch ăn lơ trong jang, tơdrong tơgŭm, khôi luơ̆t vă pơjing trong jang kơmăy kơsô̆, pơtrŭt tơplih kơsô̆ tôm tơdrong. Mă loi ‘noh Tơdrong tơchơ̆t 57 đơ̆ng Anih tơm Chĭnh trĭ hlôi băt hơdăh, hơtŏk tơiung khoa hŏk, kơmăy kơmŏk, tơplih ‘nao pơcheh hơgei păng tơplih kơsô̆ teh đak ‘noh jĭ tơdrong ‘lơ̆ng hơiă gĭt kăl tih hloh, tưk tơiung tơm vă hơtŏk tơiung hrĕnh khŭl jang hơgei, hơnhăk teh đak hơtŏk tơiung pran, pơdrơ̆ng ‘lơ̆ng lơ̆m chăl hle.

Kơdră vei lăng Học viện Chính trị quốc gia Hồ Chí Minh Nguyễn Xuân Thắng athei, tơ̆ hơnăp kơnh, khŭl jang kơ Học viện păng rim Hnam trưng Chĭnh trĭ lơ̆m teh đak kăl kơ bơ̆jang kiơ̆ ‘lơ̆ng găh khoa hŏk ki thuơ̆t, tơplih ‘nao pơcheh hơgei păng tơplih kơsô̆ đơ̆ng tơdrong jang vei lăng, pơgơ̆r, bơ̆jang, truh pơtho, tơchĕng hơlen khoa hŏk lơ̆m đĭ khŭl jang kiơ̆ trong tôm tơdrong, tŏk pran, tơm vă tơplih kơsô̆ ‘noh jĭ tơdrong ‘lơ̆ng ăn tơdrong hơtŏk tơiung.