Tơ̆ hơnăp Yang hơbang Kơdră chĕp pơgơ̆r teh đak Hồ Chí Minh, Tổng Bí thư, Kơdră chĕp pơgơ̆r teh đak Tô Lâm atŭm hăm rim kơdră tang măt hlôi kuh ka hla bat soh hlôt nhang tơbăt jơhngơ̆m đon hôn bơnê kơtang hăm Kơdră chĕp pơgơ̆r teh đak Hồ Chí Minh, kơdră chĕp pơgơ̆r gơh hơgei hloh kơ kon pơlei Việt Nam; bơngai bơ̆ jang gơh hơgei hloh kơ khul kŏng san păng kŏng nhân apŭng plĕnh teh. Ƀok hlôi tơgop, plang prăt jơhnơr hơrih ăn tơdrong jang pơm rơngei ăn hơdrech hơdrung, iung tơjră ăn rơngei hiôk hian păng hơnŭk hơnoa kơ hơdrĕch hơdrung Việt Nam păng kon pơlei lơ̆m apŭng plĕnh teh. Dôm hơnih gru gra gĭt kăl dăr sơnăm, hla bơar, tơmam drăm tŏk bŏk đei pơdă tơ̆ Hơnih gru gra gĭt kăl dăr sơnăm Kơdră chĕp pơgơ̆r teh đak Hồ Chí Minh tơ̆ Hơnih bơ̆ jang Kơdră chĕp pơgơ̆r Teh đak ‘noh dôm tơdrong kơnăl tôch gĭt kăl, tơƀôh hơdăh tơdrong hơrih, tơdrong jang, jơhngơ̆m đon păng trong bơ̆ jang kơ Ƀok Hô. Hrei ou, dôm hla bơar, tơmam drăm kơ Ƀok tơ̆ ou oei vei lăng kơjăp, tơgop pơvih pơvăn ăn kon pơlei pơla năm tơmang lăng, hŏk pơhrăm găh tơdrong hơrih, tơdrong jang, jơhngơ̆m đon păng trong bơ̆ jang hơgei  Hồ Chí Minh.