Pôk ăn hơnăn Ƀô̆ đô̆i nuih mơng pran kơtang ăn Khul Ƀô̆ đô̆i Quân khu 2 păng iung pơma tơ̆ jơ pơm lêh, Tổng Bí thư, Kơdră chĕp pơgơ̆r teh đak Tô Lâm pơma hơdăh, Tây Bắc ‘noh jĭ tơring đei tơdrong joăt ‘mêm kơ eng teh đak, kĕch mang, đei hơnih gĭt kăl hloh tơ̆ pang găh Tu păng Pơmơ̆t Tu kơ Teh đak. Tổng Bí thư, Kơdră chĕp pơgơ̆r Teh đak athei Khul ƀô̆ đô̆i Quân khu 2 akŏm tơ iung pơjing khul ƀô̆ đô̆i Quân khu gơh hơgei, pran kơtang; tơ iung pơjing khul hmŏ, yân kuân tư̆ vê̆ pran kơtang, lang să jơ̆p jang. Khei năr kơnh, Tổng Bí thư, Kơdră chĕp pơgơ̆r teh đak lui kang ƀô̆, ƀô̆ đô̆i khul bô̆ đô̆i Quân khu 2 gô vei kơjăp nơ̆r pơkăp hăm Đảng, hăm kon pơlei, atŭm hăm kon pơlei vei lăng năng tông kơjăp iăp kơtang groi teh gĭt kăl kơ Teh đak, tơ iung pơjing Tây Bắc roi năr roi pơdrŏng ‘lơ̆ng liĕm, vă rim pơlei pơla đei dơ̆ng sơđơ̆ng chơt hơ iă, rim ŭnh hnam đei dơ̆ng phĭ tơtŏ dơnŏ ‘lơ̆ng, hơnŭk hơnoa.