Tổng Bí thư hôn bơnê kơtang dôm tơdrong hơdrin, iŏk đei jơnei lơ̆m khei năr ou ki; pơma hơdăh tơdrong tơlĕch jang kiơ̆ Tơdrong tơchơ̆t Hop akŏm tih ‘măng mă XIV kơ Đảng lơ̆m 5-10 sơnăm truh jĭ tôch gĭt kăl, hơyak blŭng ăn trong tơlĕch jang 100 sơnăm pơjing Đảng păng pơjing hơyak kăl lăng truh 100 sơnăm pơjing teh đak. Tổng Bí thư athei pơlei tơm Hồ Chí Minh hơnơ̆ng sơkơ̆t hơdăh hơnăp jang pơm jŭk yŭk trong hơlou, pơm yă; tơlĕch jang kiơ̆ ‘lơ̆ng tơdrong tơchơ̆t hăm tơdrong iung jang hơdăh, hơdăh hơnăp jang, iung jang keh đang hơdăh; tơlĕch jang kiơ̆ jơnei rim Tơdrong tơchơ̆t kăl păng pơgơ̆r jơnei pôk rơih kơdră tang măt Kuôk hô̆i jăl XVI, Jơnŭm vei lăng kon pơlei rim kâp, sơđơ̆ng hơtŏ hơnơ̆ng, sơđơ̆ng, ƀlep khôi luơ̆t. Tổng Bí thư athei pơlei tơm akŏm hơmet pơ ‘lơ̆ng dôm tơdrong tơhlăk tơhlĭn kơtang; tơlĕch jang ‘lơ̆ng trong bơ̆ jang, trong hnam, khul bơ̆ jang; tơplih ‘nao tŏk muk drăm kiơ̆ ‘lơ̆ng kơtang; tơlĕch jang kiơ̆ ‘lơ̆ng rim trong bơ̆ jang; roi năr roi pơjing đei rim hơnih tơm jang mŭk drăm, logistics, tơplih ‘nao tơchăr hơtŏ hăm tơring păng apŭng plĕnh teh.