Pơtôch hop akŏm, Tổng Bí thư Tô Lâm hơlen lăng, Tơdrong jang găh pơgơ̆r khŭl lĭnh tơring tŏ sĕt bơngai, pran pơm lăp hăm tơdrong ‘meh vă hơnăp jang lơ̆m tơdrong ‘nao, lăp hăm dôm tơdrong jang gĭt kăl găh khŭl lĭnh păng trong jang khŭl lĭnh. Mă loi ‘noh jĭ, hlôi vei sơđơ̆ng tơdrong kăl Đảng chĕp kơ̆l pơgơ̆r Khŭl lĭnh kon pơlei Việt Nam kơjăp, kơtă găh rim tơdrong mă hơnơ̆ng kơtă ‘noh jĭ Anih tơm Chĭnh trĭ, Ban Bí thư; jang pơtăl tơdrong jang păng pơgơ̆r Khŭl lĭnh kon pơlei Việt Nam hlôi đei băt hơdăh lơ̆m tơdrong tơchơ̆t, pơtôch đơ̆ng Đảng; vei sơđơ̆ng khŭl lĭnh tơpă jing khŭl lĭnh tơm dơnơm vei lăng kơjăp Teh đak Việt Nam XHCN.

Kiơ̆ lơ̆m pơtôch bơ̆jang kiơ̆ dôm tơdrong tơchơ̆t, pơtôch đơ̆ng Anih tơm Chĭnh trĭ, Tổng Bí thư athei, hơnơ̆ng proh hơmet rim anih jang khŭl lĭnh tơring, ƀô̆ đô̆i tơring sơlam kiơ̆ trong jang đơ̆ng Đảng, Teh đak, vei sơđơ̆ng tŏ sĕt bơngai, pran, tơ jur bơngai jang hơlam, tơpă jing khŭl jang tơm lơ̆m pơjing păng jang kiơ̆ trong jang đĭ đăng kon pơlei vei lăng sơđơ̆ng teh đak păng vei lăng kơjăp tơdrong pơm tơm sơđơ̆ng tơring sơlam teh đak.