Tổng Bí thư Tô Lâm tơroi gah 2 tơdrong jang tih: truh sơnăm 2030 ƀơ̆t tơbăt 100 sơnăm tơ-iung pơjing Đảng, păng truh sơnăm 2045 ƀơ̆t 100 sơnăm tơ-iung pơjing teh đak, hăm trong tơplih jang 'nao gah mŭk drăm, hơtŏk gah khua hŏk kơmăi kơmŏk 'nao păng pơkăp bot 'lơ̆ng jơnŭm pơgơ̆r jang. Gah jang tơbôl, Việt Nam tơchơ̆t kiơ̆ jăl trong rơngei hiôk hian, jang hăm lơ teh đak, lăng Nhật Bản jĭ teh đak jang hadoi tôm tơdrong kăp gĭt hloh.

Tổng Bí thư chơt hơ-iă ah mă tơbôl Việt Nam – Nhật Bản pơtoi hơtŏk tôm tơdrong, mă kăl noh đơ̆ng rŏng kơ 2 teh đak hơtŏk jang tơbôl tôm tơdrong. Jang hadoi lơ̆m tơdrong jang mŭk drăm, asong bơngai jang, pơtho pơhrăm, tơplih jơk, tơplih kơmăi kơsô̆ păng hơpeh hơpong kon pơlei roi năr roi đei hơtŏk 'lơ̆ng, tơgop hơtŏk tơdrong tơguăt tơbôl kơjăp 'lơ̆ng kơ 2 teh đak.