Tơ̆ jơ tơƀơ̆p đei 44 khul, rim bơngai đei pôk ăn hơnăn “Bơngai nuih mơng Khul kŏng ang Kon pơlei”; 78 Huân chương Quân công, 735 Mê đai Chiến công, 59 Mê đai bơ̆ jang, hloh 3.000 Mê đai Vei lăng Teh đak, 3 Mê đai Nuih mơng păng rơbăn khul, rim bơngai đei kơdră kơpal pôk bơnê. Mă kăl, ƀlep lơ̆m tơbăt 80 sơnăm năr joăt joe Khul kŏng ang Kon pơlei đei pôk ăn Mê đai sơnglŏng dreng ‘măng mă pơđăm. ‘Nou tơdrong pơgơ̆r tôch gĭt kăl păng ƀĕnh ƀang jơhngơ̆m ranh hưch hanh hơmanh bơnê mưh đei Tổng Bí thư Tô Lâm tơƀơ̆p, hơlêm 40 ‘nu Bơngai Nuih mơng păng ŭnh hnam dôm bơngai Nuih mơng Khul kŏng ang Kon pơlei, 57 ‘nu Bơngai bơ̆ jang hơgei lơ̆m teh đak păng 246 ‘nu bơngai jang ‘lơ̆ng, jĭ dôm bơngai yŭk trong hơlou lơ̆m tơdrong pơting dih băl jang pran kơtang lơ̆m khul kŏng ang kon pơlei, tang măt ăn rơbou ‘nu kang ƀô̆ kŏng ang bơ̆ jang lơ̆m rim tơdrong jơ̆p lơ̆m teh đak, đei vang năm tơroi tơbăt dôm tơdrong bơ̆ jang jơnei ăn Kơdră chĕp pơgơ̆r Đảng, teh đak păng Hơnih tơm Kŏng ang.