Dôm tơdrong jang đei teh vă jang truh 790 ha. Adrol kơ ‘nŏh, Anih vei lăng kon pơlei dêh char Quảng Ngãi hlôi kĭ ăn tơdrong rơih iŏk anih tơmât jên jang kiơ̆ trong pơgơ̆r rơih anih jang hăm dôm tơdrong jang ‘nâu. Mă hơdăh, Công ty TNHH Grŭp jang Sun World jang hơdoi hăm Công ty TNHH Vei lăng anih jang trong nơnăm Nam Việt păng Công ty TNHH Vei lăng teh, hnam oei Sơnglŏng Phú Quốc jĭ dôm anih tơmât jên jang vă bơ̆ jang dôm tơdrong jang ‘nâu.

Đơ̆ng rŏng kơ jang đang, 3 tơdrong jang pơjing tơring kơdrâm âu gô pơtruh hlŏh 14.000 anih jang, hnam oei lơ kơloăi. Dôm tơdrong jang vă tơƀôh hơdăh tơdrong chĕng hơmet teh tơ̆ tơring Tây Nguyên păng chĕng hơmet atŭm tơring Chă tơmang lăng Măng Đen, dar deh pơjing 1 tơring jang mŭk drăm ‘nao pran ‘lơ̆ng kơ dêh char Quảng Ngãi.