VOV4.Bahnar  – Đơ̆ng rŏng kơ tơroi tơ̆ anih hŏk hôp, Kuôk hô̆i hlôi pơma đam tơ̆ Khul găh chih akŏm Tơchơ̆t minh ƀar trong jang kăp gĭt hơtŏkt ơ iung dôm dêh char, plei tơm: Hải Phòng, dêh char Nghệ An, dêh char Thanh Hóa, dêh char Thừa Thiên Huế. 'Nâu jing pơkăp dơnơm hloh đơ̆ng Trung ương vă pơm trong hơtŏk tơ iung 'nao ăn teh đak lơ̆m khei năr truh. Pơma đam tơ̆ khul, rim bơngai tang măt ăn Kuôk hô̆i adoi hmach bơnê găh trong pơkăp vă hơtŏk tơ iung 'nao ăn teh đak, đei dôm trong jang dơnơm ưh  adrô̆ tơ̆ tơring mă pơđĭ tơring đei mŭk drăm vă hơtŏk. Kơyuơ noh, trong pơkăp jang athei vei xơđơ̆ng ăn tơring hơtŏk kiơ̆ tơdrong kĕ đei kơ po păng pơjing trong hơtŏk tơ iung nai jing kăl hloh. Hơdăh, trong pơkăp jang hăm 4 tơring, đei hre rơkăh pơkăp găh jên mong trung ương axong vă hơtŏk mŭk drăm tơpôl tơ̆ dôm dêh char, plei tơm lơ̆m tơring athei jang adrol 'mơ̆i.

Lan chih păng pơre nơ̆r