VOV4.Bahnar - Tơ drong tơm lơ\m tơ drong jang chih pơ jing luơ\t gie\ng âu ki, dôm bơ ngai tang măt pơ ma nuh găh Luơ\t tang găn xa pơ j^p (oei chih hơ met). Kiơ\ dôm bơ ngai tang măt kăl chih đei dôm tơ drong hơ găt mă kơ jăp, rơ đăh ‘lơ\ng đơ\ng tơ drong chih tơ roi mu\k drăm, sek tơ lang mu\k drăm đei chih tơ roi, dôm trong tang găn xa pơ j^p… vă tơ drong tang găn xa pơ j^p gơ\h ‘lơ\ng [iơ\ lơ\m khei ‘năr truh.

Kiơ\ đơ\ng pơ ma nuh, dôm bơ ngai tag măt akhan, luơ\t athei chih ako\m, hơ met pơ ‘lơ\ng m^nh [ar tơ drong hơ găt oei tam mă kơ jăp. Mă hơ dăh hăm bơ ngai chih tơ roi muk drăm, m^nh [ar ‘nu bơ ngai tang măt lăp đon hăm trong pơih xă bơ ngai athei chih tơ roi mu\k drăm vă đ^ đăng kăn [o#, bơ ngai jang kơ te\h đak chih tơ roi mu\k drăm ngăl. Mă lei lăp kăl pơih xă bơ ngai chih tơ roi mu\k drăm hăm dôm bơ ngai pơm tih vă huei mơ mat mưh vei lăng.

Bơ ngai tang măt Tôn Ngọc Hạnh, khul Bình Phước đei nơ\r pơ ma: “Inh oei tơ tăm găh tơ drong bơ\ jang đơ\ng dôm an^h jang vei lăng mu\k drăm păng tơ drong chă rơih bơ ngai vă hơ len năng. Inh athei tơ plih ăn tơ drong chă rơih kư\ kă hăm tơ drong tơ le\ch trong jang vei lăng păng klăih song dôm gru\p bơ ngai chih tơ roi mu\k drăm. Tơ\ dôm tơ drong chih tơ roi, kăn [o# jang tih, kăn [o# hmă, bơ ngai jang đei pơ jao tơ drong jang kăl. Atu\m hăm ‘no\h tơ plih ăn tơ drong chih hơ dăh an^h jang kăl athei chih tơ roi mu\k drăm lơ\m luơ\t ‘no\h gơ\h tơ le\ch dơ\ng trong jang, chih tơ băt dôm tơ drong jang athei tơ re\k, pơm hơ dăh io\k yoa, jên khei ‘no\h j^ 1 hơ yak vă vei lăng bơ ngai chih tơ roi mu\k drăm.”

Akhan 2 trong jang tơ\ an^h vei lăng mu\k drăm, io\k yoa oei tam mă kơ jăp, bơ ngai tang măt Cao Thị Xuân, khul Thanh Hóa athei: “M^nh trong jang nai gơ\h hơ len dơ\ng ‘no\h j^ pơ jing m^nh an^h jang hơ dro# bơ\ jang tơ drong ‘nâu. Trong jang ‘nâu pơm lăp đon lơ nơ\r athei, gơ\h bơ\ jang tơ păt ‘lơ\ng, găn [iơ\ tơ drong găn ga đơ\ng an^h jang kơ pal mă loi j^ hăm dôm bơ ngai io\k bơ\ jang tơ drong ‘nâu, đơ\ng no\h roi hơ me\ng [iơ\ găh tơ drong tro\, rơ đăh rơ đong. Mă lei, tơ drong ưh ‘lơ\ng đơ\ng trong jang ‘nâu ‘no\h athei pơ jing dơ\ng 1, 2 an^h jang ‘nao, athei đei bơ ngai jang, tơ mam, jên jang kơ na ưh kơ lăp hăm tơ drong Tơ chơ\t 18 đơ\ng Khul kơ dră che\p kơ\l Trung ương Đảng găh tơ plih ‘nao, hơ met ming bơ ngai jang lơ\m rim an^h jang chinh tr^. Mă lei, inh akhan đunh ning mônh kơnh trong jang 3 athei tơ len năng dơ\ng vă jang ‘lơ\ng tôm tơ drong.”

Pơ ma ‘moi kiơ\ bơ ngai tang măt Cao Thị Xuân, bơ ngai tang măt Nguyễn Văn Pha, khul Nam Định akhan: “Hrei ‘nâu tơ\ te\h đak bơ\n oei đei 3 an^h tang găn xa pơ j^p, ‘no\h j^ An^h dăr hơ len kơ khul kơ dră te\h đak, An^h tơm dăr hơ len kon pơ lei, An^h tơm Ko\ng an. Tơ dăh bơ\n pơ hno\ng pơ jing 1 an^h jang ‘nao nhen mo\ Xuân athei ‘no\h gơ\h io\k bơ ngai jang đơ\ng 3 an^h jang kơ pal, jang gơ\h hai, rơ gei hai mă ưh hơ to\k [iên che#. Inh athei Kuo#k ho#i pơ jing m^nh an^h jang vei lăng mu\k drăm, io\k yoa kơ kăn [o#, bơ ngai jang kơ te\h đak păng jang kiơ\ nơ\r athei đơ\ng An^h che\p kơ\l pơ gơ\r Kuo#k ho#i.”

Găh trong sek tơ lang tơ mam, jên hu chih tơ roi ưh tơ păt dăh mă tơ mam, jên hu đei thim mă bơ ngai chih tơ roi ưh đei tơ blang hơ dăh tro\ sư đei đơ\ng yơ, dôm bơ ngai tang măt akhan, ‘nâu j^ tơ drong tôch mơ mat, khul chih luơ\t athei tơ che\ng hơ len, chih tơ le\ch mă rơ đăh, tro\ khôi luơ\t. Bơ ngai tang măt Lê Anh Tuấn, khul Hà Tĩnh, tơ gu\m ăn trong jang 1 lơ\m tơ drong hơ găt: hăm tơ mam drăm, jên hu đei io\k yoa mă bơ ngai chih tơ roi mu\k drăm ưh đei nơ\r tơ blang tro\ sư đei đơ\ng yơ, mă lei te\h đak ku\m ưh tam pơm hơ dăh tơ mam âu jang đei tro\ luơ\t dăh ưh ‘no\h, gơ\h năng ‘nâu j^ dôm tơ mam ‘nao đei đơ\ng bơ ngai chih tơ roi tam mă đei nôp thue# păng athei sư nôp thue# ‘no\h j^ tơ drong tôch lapư kơ plăh dang ei.

Atu\m hăm ‘no\h, bơ ngai tang măt Lê Anh Tuấn athei: “Tơ dăh rơih trong jang ‘nâu athei kơ chăng mă ‘lơ\ng kiơ\ đơ\ng pơm hơ dăh tơ mam chih tơ roi ưh tơ păt mă lei tơ mam đei tro\ luơ\t păng tơ mam ‘nao jang đei mă bơ ngai chih tơ roi ưh đei nơ\r tơ blang sư đei đơ\ng yơ. Găh tơ drong hơ găt io\k yoa athei nôp thue# ‘no\h jên io\k yoa jên khei, tơ mam tro\ luơ\t. Kiơ\ kơ ‘no\h, hăm tơ mam chih tơ roi ưh tơ păt mă lei tơmam âu đei tro\ luơ\t ‘no\h gơ\h năng jing tơ drong kle\nh, ôn thue#. Hăm tơ mam ‘nao đei mă bơ ngai chih tơ roi ưh đei nơ\r tơ blang sư đei đơ\ng yơ ‘no\h athei pơ gơ\r dăr hơ len, pơm hơ dăh vă lăng năng tơ mam tro\ luơ\t dăh ưh.”

Lơ nơ\r akhan, vă tang găn xa pơ j^p athei chih tơ roi rơ đăh tơ drong jang tơ\ rim an^h jang kơ te\h đak. Kiơ\ đơ\ng no\h, pơm hơ dăh hơ năp jang, tơ drong gơ\h jang, tơ drong đei yoa đơ\ng đe kăn [o#, bơ ngai jang kơ te\h đak păng tơ drong io\k yoa tơ mam, jên hu rim sơ năm tơ\ an^h jang. Mă lei, kiơ\ bơ ngai tang măt Lê Thành Công, khul Vĩnh Long tơ drong atheu chih tơ roi rơ đăh nhen luơ\t hơ găt nhen vă pơ tro\ đe\ch, hơ nat vă gơ\h jang đei:

“Trong roi tơ băt rơ đăh rơ đong athei dơ\ng [ât ming pơ kle\m tơ\ an^h jang, kiơ\ tơ drong hơ găt tơ\ điêm a, điêm b lơ\m jăl trong 1 ‘no\h tôm bơih. Roi tơ băt rơ đăh rơ đong kiơ\ trong tơ roi lơ\m kơ măy kơ mo\k roi tơ băt, kiơ\ hla ar chih ăn dôm an^h jang tơ roi tơ băt nhen tơ drong hơ găt tơ\ điêm c, điêm d, đ, g ‘no\h ưh kơ kăl. Yoa thoi no\h inh athei hu\t le# dôm điêm ‘nâu lơ\m jăl trong 1 apu\ng 10. Tơ dăh kăl ‘me\h băt hơ năp jang, tơ drong jang đei tơ\ m^nh an^h jang yơ ‘no\h gơ\h tơ mât yoa Apăng 13 đơ\ng luơ\t ‘nâu.”

Dơ\ng: Tơ blơ\